काठमाडौं । नेपाली फिल्म ‘ह्रस्व दीर्घ’को हिन्दी संस्करणको स्याटेलाइट र ओटीटी अधिकार भारतको प्रसिद्ध जी-नेटवर्कले किनेको छ । निर्माता समेत रहेका अभिनेता हरिहर अधिकारीले यसबारे जानकारी दिएका छन् ।
जी–नेटवर्कअन्तर्गत रहेको ‘जी-फाइभ’ भारतको लोकप्रिय ओटीटी प्लाटफर्ममध्ये पर्छ । यतिबेला भारतमा रहेका हरिहर र निर्मात्री ढुंगानाले जि मिडियासँग बुधबार राइट विक्रीबारे सम्झौता गरेको जनाइएको छ ।
नेपाली र दक्षिण भारतीय बाहेकका भाषाको राइट जि मिडियाले महंगो मूल्यमा किनेको विवरणहरूमा जनाइएको छ । चन्द्र पन्त निर्देशित फिल्ममा नाम चलेका भारतीय कलाकारले समेत अभिनय गरेका छन् ।
‘गजनी’ फेम्ड अभिनेता प्रदीप रावत, ब्रम्हानन्दम, अलि लगायतको यसमा अभिनय छ । छिमेकी मुलुकमा नेपाली फिल्मको बजार खोजीका लागि जि मिडियासँगको सम्झौता महत्वपूर्ण उपलब्धि रहेको ठानिएको छ ।
फिल्मले नेपाली बक्स अफिसमा सुखद कमाइ गरेको छ । नेपाली फिल्म हलमा यो फिल्मको लाइफटाइम कलेक्सन केही दिनसम्म सार्वजनिक गर्ने तयारी भैरहेको ब्यांकटेस इन्टरटेनमेन्टका मनोज राठीले जानकारी दिए ।
यो समाचार पढेर तपाईलाई कस्तो लाग्यो ?
तपाइको विचार व्यक्त गर्नुहोस् ।