नेपालीको प्रतिरोधात्मक क्षमता बढी छ भनेर कोरोना संक्रमण नहुने भन्ने हुँदैन

  • हजुरको खवर
  • सोमबार, आषाढ १५ २०७७ प्रकाशित

कोरोना संक्रमण समुदायस्तरमा पूर्ण रुपमा फैलिसकेको अवस्था छैन, दीर्घरोगी, वृद्ध–वृद्धामा नफैलिएको कारण मृत्यु हुनेको संख्यामा कम देखिएको हो नेपालमा कोरोना संक्रमणको वर्तमान अवस्थालाई कसरी हेरिनु पर्छ?यो कुन चरणमा छ?के यो समुदाय स्तरमा फैलिइसकेको हो?

नेपालका ७७ वटै जिल्ला कोरोना संक्रमण फैलिसकेको छ । महिलाभन्दा पुरुष बढी कोरोना संक्रमित  छन् । भारतबाट स्वदेश फर्किने युवाबाट कोरोना संक्रमण बढी फैलिएको छ ।स्थानीय तह, प्रदेश र केन्द्रिय सरकारले संक्रमणको अवस्था कुन चरणमा प्रवेश गरेको छ भन्ने कुरा जानकारी दिन सकेको छैन ।


भारतबाट फर्किएका व्यक्ति र तिनीहरुको घर परिवारमा मात्रै कोरोना संक्रमण सीमित छ । पूर्णरुपमा समुदायस्तरमा व्यापक रुपमा फैलिएको छैन ।


वर्तमान समयमा तराईका केही जिल्लामा संक्रमण तेस्रो चरण प्रवेश गरेको हो कि भन्ने मलाई छ । तर सबै समुदाय स्तरमा समान तरिकाले व्यापक रुपमा नफैलिएको हुँदा कोरोना संक्रमण दोस्रो चरणभन्दा माथि पुगेको छ । अन्यथा भारतबाट फर्किएका व्यक्ति र तिनीहरुको घर परिवारमा मात्रै कोरोना संक्रमण सीमित छ । पूर्णरुपमा समुदायस्तरमा व्यापक रुपमा फैलिएको छैन ।

संक्रमितको संख्या अति न्यून हुँदा कठोर लकडाउन तर त्यो अत्यधिक मात्रामा फेला पर्दै जाँदा चाहिँ लकडाउन खकुलो पारिएको स्थिति छ । जनस्वास्थ्यको हिसाबले यसलाई कसरी हेरिनु पर्छ?

सवारी साधन चलेका  छन् । बजार खुलेका छन् । बजार, सडक, कार्यालयमा मानिसको आउजाउ व्यापक रुपमा सुरु भएको छ । कोरोना संक्रमितको संख्या कम हुँदा लकडाउन गरियो । संक्रमितको संख्या दिनप्रतिदिन बढ्दै जाँदा लकडाउनलाई धेरै खुकुलो बनाएको छ । सुरुमा दुई चार जना संक्रमित हुँदा सरकारले लकडाउन गरेर संक्रमितको संख्या नबढोस् भनेर लकडाउनलाई कडा बनायो । वर्तमान अवस्थालाई हेर्दा लकडाउन चाँडो भएको भनेर भन्न मिल्दैन । लकडाउन ढिला गरेको भए समुदायस्तरमा संक्रमण व्यापक रुपमा फैलिएर अर्कै अवस्था आउन पनि सक्थ्यो ।

कतिपय विज्ञहरुले चैत्र ११ गतेभन्दा एक हप्ताअघि  लकडाउन गरेको भए अहिले भइरहेको कोरोना संक्रमणको दरभन्दा पच्चीस प्रतिशतले घटाउन सकिन्थ्यो भन्दै पनि आएका छन् ।

समाजमा कडाखालको लक्षण भएका संक्रमति देखिन थाले, अस्पतालले बिरामी धान्न नसक्ने अवस्था आयो भने जोखिमपूर्ण अवस्था रहन सक्छ । त्यसैले फेरि कडा रुपमा लकडाउन गर्नपर्ने अवस्था आउन सक्छ ।


सुरुमा लकडाउन गर्दा नै कोरोना संक्रमण    फैलिन नदिनका लागि व्यापक रुपमा सरकारले काम गर्न सकेन । लकडाउन गरेपछि कोरोना संक्रमण फैलिँदैन भनेर ठानियो । कोरोना कुन क्षेत्रमा फैलिएमा कसरी नियन्त्रण,पहिचान गर्ने,अस्पताल,स्वास्थ्यकर्मी,जनचेतनाका कार्यक्रम आदिका बारेमा तयारी नगरेर लकडाउनले कोरोना भाग्छ भनेर बसियो ।


सुरुमा लकडाउन गर्दा नै कोरोना संक्रमण    फैलिन नदिनका लागि व्यापक रुपमा सरकारले काम गर्न सकेन । लकडाउन गरेपछि कोरोना संक्रमण फैलिँदैन भनेर ठानियो । कोरोना कुन क्षेत्रमा फैलिएमा कसरी नियन्त्रण, पहिचान गर्ने, अस्पताल, स्वास्थ्यकर्मी, जनचेतनाका कार्यक्रम आदिका बारेमा तयारी नगरेर लकडाउनले कोरोना भाग्छ भनेर बसियो ।

कोरोनाको संक्रमणको कारण भविष्यमा आउन सक्ने स्वास्थ्य समस्यासँग जुध्नका लागि अक्सिजन, भेन्टिलेटर, आईसियु, संघन उपचार कक्ष, वर्तमान अवस्थामा संचालित अस्पताललाई आवश्यक परेको खण्डमा कोभिड अस्पताल कसरी रुपान्तरण गर्ने जस्ता कुरामा लकडाउनकै बेलामा जोड दिनुपथ्यो ।

तर सरकारले महामारी समुदायस्तरमा व्यापक रुपमा फैलिएमा कसरी अगाडि बढ्ने जस्ता योजना तथा कार्यक्रम कडा लकडाउनको बेला बनाउ सकेन । हाल संक्रमित संख्या बढिरहेको छ तर लकडाउन खुकुलो छ । समुदायबाट मानिस धमाधम बाहिर निस्किएका छन् । त्यसैले घरबाहिर निस्कदा सावधानी अपनाउन आवश्यक छ । अहिलेको अवस्था चैत्र महिनाभन्दाअघिको जस्तो अवस्था होइन । सावधानी नअपनाउनेलाई निगरानीमा राखेर अगाडि बढ्नुपर्छ ।

यो समाचार पढेर तपाईलाई कस्तो लाग्यो ?

तपाइको विचार व्यक्त गर्नुहोस् ।