आज पनि असिना पानी पर्ने

  • Rupak Kaliraj
  • शनिबार, बैशाख ४ २०७८ प्रकाशित

प्रिमनसुन प्रणाली सक्रिय भएको बेला पश्चिमी वायु समेत प्रवेश गरेकाले शनिबार पनि केही स्थानमा हल्कादेखि मध्यम खालको वर्षा हुने मौसमविदले बताएका छन् । शनिबार सुदूरपश्चिम प्रदेश र कर्णाली प्रदेशका केही स्थानमा असिना पानी पर्ने सम्भावना रहेको वरिष्ठ मौसमविद निराजन सापकोटाले बताउनु भयो । पहिले दक्षिण–पूर्वबाट वायु प्रवेश गरेको थियो । त्यसलाई अहिले पश्चिमी वायुको पनि सपोर्ट भएकाले हल्कादेखि मध्यमखालको वर्षा हुने सापकोटाले बताउनु भयो ।  पश्चिमी वायु र स्थानीयस्तरको वायु सक्रिय भएकाले त्यसको असर देशभर देखिने मौसमविद बताउँछन् । काठमाडौं उपत्यकामा विहानपख आंशिक बदलीको अवस्था छ । दिउँसो पनि बादल लागेर पानी पर्ने सम्भावना रहेको सापकोटाले बताउनु भयो । पहाडी भागमा चट्याङसहित हल्कादेखि मध्यमखालको र तराईमा सामान्य खालको वर्षाको सम्भावना रहेको उनले बताउनु भयो । देशका पहाडी भू–भागका केही स्थानहरुमा र तराईका थोरै स्थानहरुमा मेघगर्जन, चट्टयाङ्ग, हावाहुरी र असिनासहित क्षणिक वर्षाको सम्भावना रहेको आवश्यक सतर्कता अपनाउन जल तथा मौसम पूर्वानुमान महाशाखाले हुन अनुरोध समेत गरेको छ ।

यो समाचार पढेर तपाईलाई कस्तो लाग्यो ?

तपाइको विचार व्यक्त गर्नुहोस् ।