गजल : कोरोना

  • |
  • हजुरको खवर |
  • शुक्रबार​, चैत्र २१ २०७६ प्रकाशित

लकडाउन्मा कहाँ जान्थें? सहरमै छु,  
अर्थोक छैन। 
यो विश्वव्यापी प्रकोपको, कहरमै छु, अर्थोक छैन। 

संसार पुरा हल्लाएर, चुलिँदो छ कोरोना आतङ्क 
यथाशक्य थामियोस् भन्ने, रहरमै छु,  
अर्थोक छैन। 

सरकार भन्छ घरमै बस्नू, प्राय: हात धोईर'नू 
हाम्रो खेलाँची भारी पर्ने, ठहरमै छु, 
अर्थोक छैन। 

बढाएर सामाजिक दुरी, घरभित्र नै बस्ने बेला 
यद्यपि म ग्याँस लिनेको, लहरमै छु,  
अर्थोक छैन। 


-राज मिलनविन्दु 
हेटौंडा-१९, बस्तीपुर 
 (मकवानपुर)

यो समाचार पढेर तपाईलाई कस्तो लाग्यो ?

तपाइको विचार व्यक्त गर्नुहोस् ।