गत शनिबार सिमराको एक होटलमा आपत्तिजनक अवस्थामा महिलासँग फेला परेका चुरियामाई माबिका प्रधानाध्यापक बिष्णु परियार रिहा भएका छन् । ५ हजार धरौटीमा आज मंगलबार रिहा गरिएको इलाका प्रहरी कार्यालय सिमराका प्रहरी नायब उपरीक्षक गोविन्द पुरीले बताउनु भयो ।
गत शनिबार सिमराको एक होटलमा आपत्तिजनक अवस्थामा महिलासँग फेला परेका परियारलाई प्रहरीले अभद्र व्यवहार अन्तरगत मुद्दा दर्ता गरि ३ दिनको म्याद थप गरेर अनुसन्धान गरिएको थियो । यता परियारलाई विद्यालय व्यवस्थापन समितिले भने प्रध्यानाध्यापकबाट पदमुक्त गर्ने निर्णय गरेको थियो भने शिक्षक भएर अमर्यादित कार्य गरेको भन्दै अभिभावकले समेत परियारलाई हटाउन माग गर्दै विद्यालयलाई ज्ञापन पत्र बुझाएको थियो ।
यो समाचार पढेर तपाईलाई कस्तो लाग्यो ?
तपाइको विचार व्यक्त गर्नुहोस् ।